عاوز اتوب

الأربعاء سبتمبر 30, 2009 10:39 am

السلام عليكم ورحمه الله وبركاته
عامل ايه ؟
والله مخنوق حبتين
ليه كده بس

حاسس ان ذنوبى كتير اوى
وان ربنا مش هيرضى عنى
مهما اعمل
انت بتهزر
انا بتكلم بجد
انا مش عارفه ازاى تشيل نفسك
كل الهموم دى ولك رب
اسمه
الرحيم
الكريم
العفو
التواب
يا مسلم انت لسه هتفكر
روح له بجد
وقوله
انا آسف
انا غلطان فى حقك
انا عاوزك
انا محتاجلك
يا حبيبى لا تتركنى
مهما اعمل من ذنوب
برضه برجعلك وهرجعلك
لا تردنى خائب
ذليل
لانك لو تركتنى
هروح لمين غيرك
ولو فيه غيرك
انا مش عاوز غيرك
انا بحبك
مهما اعصيك
بحبك
يعنى ربنا ممكن يسامحنى
اسمع كلام حبيبك سبحانه وتعالى
(ومن يعمل سوءا او يظلم نفسه
ثم يستغفر يجد الله غفورا رحيما)
يعنى ممكن ....
انت لسه هتفكر
روح لحبيبك
وهتلاقيه يفرح بيك
روح
وانت متأكد انه مش هيردك

طب ازاي ارجع لربنا ازاي اتوب

الاولى

نعترف بذنبنا
ومانتكبرش
ونقول مثلا كله بيعمل كده
لان لو دخل النار ماحدش هيعرفه
والتانيه
انك تروح لربنا وتترجاه وتقولي سامحني
والتالته
انك بجد تكون ناوى انك ما ترجعش
للذنب ده تانى
والرابعه
لو كان الذنب ده
فى حق حد
لازم تعتذر له
وماتقولش انا كنت بهزر
لان هو لو اخد الموقف ده بجد
هيكتب عليك

ماشي انا عملت كده وبعدين

هقولك لازم تهد السور اللي بينك وبين ربنا

سور !!! سور ايه اللي انتي بتقولي عليه

ايوه سور .. اقصد سور الذنوب والمعاصي

ماشي هديت السور

طب ماشى
هديته ازاى ؟
تبت الى الله

اهوه
انت اللى اعترفت
انا مش فاهم حاجه
خالص
اعترفت بايه ؟
اعترفت بأنك
مش
انت اللى هديت السور
طب ماشى مين اللى هد السور
هخليك انت اللى تجاوب على نفسك
ماشى
كل اللى انت عملته
انك تبت الى الله
تمام
وربنا اللى يبقبل التوبه
وبيغفر الذنب
مظبوط
واحنا متفقين
ان السور هو الذنوب
صح
يبقى ربك اللى غفر الذنوب
احم ..احم..
حبيبك اللى هد السور
مش انت بقى
اه
فعلا حبيبى اللى غفر الذنب
خلاص اتفقنا
اتفقنا
كنت عاوزه اقولك على
كام حاجه خلى بالك منهم
اتفضلي
اولا
احنا متفقين
ان حبيبك اللى خلق ابليس

وهو اللى قال عليه
(ان كيد الشيطان كان ضعيفا)
وقال
(ان الانسان خلق هلوعا )
وانت مش واقف لواحدك
لا انت ضدك
النفس الاماره بالسوء
والشيطان
والعين (الحسد)
والهوى (اللى هى الموضه
وان المنكر بقى معروف
والمعروف بقى منكر)
وانت واقف لواحدك
يعنى المنطق بيقول
ومن غير كلام
انك
مهزوم
مهزوم
مهزوم
ياولدى
لان
4على 1
حراااااام
بس المنطق برضه
بيقول انك ممكن تكسحهم
يا سلام ازاي بقي

لانك ممكن تهزمهم
بأقل مجهود
طب ازاى ؟؟
فقط هتستعين بالواحد
الله
فقط يغنيك عن كل حاجه
استعين به
ونعم بالله
خلى بالك
ان احنا معانا
نعمه والله العظيم لو قعدت اتكلم عنها لحد يوم القيامه
مش هقدر اتكلم
عن
ذرة منها
عارف هيه ايه ؟
نعمه الاسلام
فعلا
الحمد لله على
نعمه الاسلام
وكفى بها نعمه
يبقى كده انا عاوزه اقولك
بلاش غرور
لانك تبت
وانت واقف لواحدك
لازم يكون معاك ربنا
طب وازاى يكون ربنا معايا ؟
خلى بالك ربنا ما بيبعدش عن حد
ولكن احنا اللى بنبعد عنه
بذنوبنا

بس اوعى تتغر
لان القلوب بين اصبعين
من اصابع الرحمن

طب ممكن سؤال ؟؟

اتفضل

حبيبى سبحانه وتعالى
بيقلب القلوب على اى اساس
اقولك
بس الاول
اوعى تكون نيتك بالسؤال
انك بتعاتب ربنا
لاءه...حاشا لله
ماشى اقولك
تتقلب القلوب
لو
العباده اصبحت عاده
ازاى ؟
يعنى انت بتصلى لانك اتعودت
تصلى
او بتصوم لانك اتعودت تصوم
لازم توصل لهدفها
الصيام مثلا
علشان تحس بأنك مش لواحدك عايش
لا فى ناس فقرا وغلبانين
عايشين معانا
لازم نحس بيهم
والصلاه لانك
رايح تقابل حبيبك
سبحانه وتعالى
وتشتكى له
من اى حاجه مضايقاك
وعلشان تحس براحه
ربانيه
وحاجات كتيير فيها
هنبقى نتكلم عنها
بعدين
اه وايه تانى
وانك تضرب مثل للاسلام
غلط
ازاى
انك مثلا تكون بتصلى
وبتعمل حاجه غلط
الناس هتقول بص اللى بيصلى
اصل كل اللى بيصلو كده
وده طبعا جهل منهم
بس عيب منك برضه
او تكون اختنا لابسه حجاب
واسمها مسلمه
وبتهزر مع الولاد
طب هو ده عيب
هو الهزار عيب
لا مش عيب بس
لما يكون بين البنات
وبعضيهم
لكن لما يكون ولاد مع بنات طبعا عيب
وغلط
لان الاسلام لم يحرم الاختلاط
بشكل نهائى
يعنى
ماقالش
حرام الولاد يكلمو بنات
بس الاسلام وضع حدود
لكده
انها تكون فى نطاق
محدد ماينعفش تخرج عنه
مثلا فى نطاق الشغل
او الدرسه
او خدمه معينه
(وحط تحتها مليون خط)
ان مش اىحاجه تكون خدمه معينه
وغير كده
يبقى حرام
وحاجات كتيير برضه بتقلب القلوب
ابرزها المعاصى
والكبائر
واهم حاجه بعد التوبه
لازم
تشحن رصيدك

ازاي اكمل المره الجايه بأذن الله

لو عايزني اكمل قولو كمل

لو مش عايزين يبقي خلاص

والسلام عليكم ورحمه الله

الأربعاء سبتمبر 30, 2009 11:28 am

تسلم ايدك حلو جدا ...... ابقي كمل الموضوع وانا هستني البقيه
لانه بجد شدني جدا

الأربعاء سبتمبر 30, 2009 5:19 pm

جزاك الله كل خير محمد
توبيك حلو اوى
تسلم ايدك

عاوز اتوب

عاوز اتوب

رد: عاوز اتوب

رد: عاوز اتوب