نكت جامده اوى والله

الجمعة سبتمبر 04, 2009 1:43 pm

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين

مره كلب فقد الذاكره ماشى فى الشارع عما ل يقول نونو 000 لا صوصو 0000

واحد اشترى موبايل و عاوز يعمل لمراته مفاجأة... فدخل الحمام و أخده معاه و اتصل بيها و
قالها .. ألو يا حبيبيتي ثواني و أكون معاكي
قالتله لأ ماتجيش دلوقتي جوزي في الحمام

احد صعيدي رجع من السفر لقى البيت مليان صراصير غير كالون البيت

.واحد صعيدي عاوز يقتل مراته حطيلها مسدس في الشوربة

محشش سأل واحدة اسمك ايه؟ ردت: أسماء؛ فقال: يعني ما فيش اسم محدد

مرة واحد راح السودان بالليل ملاقاش حد

سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه

مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

مرة واحدة عجوزة راحت تخطب لابنها سالتها العروسة ابنك بيدخن ؟
قالتلها العجوزة احيانا لما بيكون سكران

واحد شكله وحش قوى قوى قوى عايز يتزوج فراح و اتقدم لواحده فبيقول لابوها
انا يا عمى و بلا فخر عملت نفسى بنفسى
رد ابوها وقال : ما انا كمان بقول استحاله تكون خلقة ربنا

صعيدى داخل سينما لقى مكتوب ممنوع الدخول لأقل من 18 راح جاب 17 صعيدى

اتمنى تكون عجبتكم وان شاء الله فيه المزيد