كثير من البشر يسأل عن أسباب الحزن فينى !!!

الخميس سبتمبر 17, 2009 4:27 pm

كثير من البشر يسأل عن اسباب الحزن فيني
وكثير من البشر وده يعرف بدنيتي وش صار

وعلام اللي يقابلني يشوف الدمع في عيني
وانا حزين وشارد ومنهار

انا بحكي بقول الحين عن اللي صار في سنيني
ولكن قبل لا اتكلم ابيكم تحكموا يا أخيار

تعالو واشهدو ياناس تعالو طالعوا فيني
تعالو شاهدوا جسمي غدى ناحل وعقلي طار

تعالو واسمعوا مني وش اسباب الحزن فيني
وشنهي سبة دموعي وش اللي بدنيتي اسرار

ابحكي عن سبب زاد الحزن فيني
حبيب(ن) مت في حبه ولكنه طلع غدار

انا رغم اليتم حبيت عشقت بكل مافيني
عشقت وكنت له وافي واذا اخطأ اجيب اعذار

انا حبيت لي شخص(ن) عشقته عشقي لعيني
وهو حبني واقسم لي برب المصحف الجبار

انا صدقت حلفانه وهقيت انه بيغليني
ومثل ماني احبه موت توقعته يجيني بار

ولكن خيب ضنوني توقعته بيحميني
توقعته حبيبي يكون ولكن صار بي غدار

اثاري كان يتسلى ووقته يضيعه فيني
وانا اللي احسبه يحبني واحسبه حاط لي مقدار

قطع في طعنته اخر عروق الفرحه بسنيني
وزاد الحزن في قلبي وخلاني اعيش بنار

خدعنــــي ونيته ينهي حياتي وده ينهيني
وعجزت آخذ بثاري منه حبيبي كيف آخذ بثاره..؟؟!!

ومع غدره وطعناته غرامه ساكن(ن) فيني
ولا ظني انا بنساه لو اتعالج بوسط شهار

عرفتوا يابشر هالحين ليـــه الدمع في عيني
عذرتوني على جسمي عذرتوا عقلي اللي طار

ترى هذا سبب واحد من اسباب الحزن فيني
يكفي يابشر ولا اكمل وافشي الاسرار

وأمانه يابشر تكفون اذا منكم يلاقيني
لايسألني و
ش الباقي من اللي بدنيتي اسرار