الرئيسية
البوابة
أحدث الصور
التسجيل
دخول
دردشه ماى ايجى 
verjenia4everصاحب مكان
عدد المساهمات : 8401
تاريخ التسجيل : 28/08/2009
عــــــــــادات و تقـــــــــــــــاليد بلــــــــــــــدك
الجمعة يناير 15, 2010 5:15 pm
بسم الله الرحمن الرحيم
السلام عليكم جميعا
انا خطر في بالي فكره رهيبه
و الله مش قراتها في اي منتدي مجرد فكره خطرت علي بالي دلوقتي حالا
و هي ان احنا هنا في المنتدي من جنسيات مختلفه من كل الدول العربيه
و الفكره ان كل حد يتكلم عن عادات و تقاليد بلده و شعبه
يعني ايه؟؟؟
يعني انا مثلا ادخل و اكتب احنا بنعمل ايه في مصر يوم السبوع
ايه بقي السبوع ده ؟؟؟؟
هو اليوم السابع للمولود الجديد---- و اكتب احنا بنحتفل بيه ازاي
و مثلا هدي تدخل و تكتب عن نفس الموضوع او ممكن تتلكم عن حاجه تانيه خالص بيعملوها في السعوديه
و اخ وائل يدخل و يكتب عن حاجه تانيه في الجزائر
و في مواضيع كتير جدا ممكن نتكلم عنها
زي ما قلت السبوع-الفرح-الحنه-النجاح-اللي يشتري بيت جديد او سياره--تقديم الشبكه--التقدم لعروسه--الاحتفال بقدوم رمضان--العيد--المولد
و غيرها مواضيع كتير خالص خالص
و مش شرط عشان انا مصريه ابقي اتكلم بس عن مصر--لا ممكن اتكلم عن مناسبه معينه شفتها في اي بلد زرتها
او عرفتها من صديقه مقربه--الكلام ينطبق علي الكل
و ده هيخلينا نقرب اكتر من بعض و نتعرف اكتر علي الطرق المختلفه للاحتفال بالمناسبات في بلاد كتيرررر و احنا قاعدين في مكانا
يارب الموضوع يعجبكم و يارب نشارك كلنا فيه
السلام عليكم جميعا
انا خطر في بالي فكره رهيبه
و الله مش قراتها في اي منتدي مجرد فكره خطرت علي بالي دلوقتي حالا
و هي ان احنا هنا في المنتدي من جنسيات مختلفه من كل الدول العربيه
و الفكره ان كل حد يتكلم عن عادات و تقاليد بلده و شعبه
يعني ايه؟؟؟
يعني انا مثلا ادخل و اكتب احنا بنعمل ايه في مصر يوم السبوع
ايه بقي السبوع ده ؟؟؟؟
هو اليوم السابع للمولود الجديد---- و اكتب احنا بنحتفل بيه ازاي
و مثلا هدي تدخل و تكتب عن نفس الموضوع او ممكن تتلكم عن حاجه تانيه خالص بيعملوها في السعوديه
و اخ وائل يدخل و يكتب عن حاجه تانيه في الجزائر
و في مواضيع كتير جدا ممكن نتكلم عنها
زي ما قلت السبوع-الفرح-الحنه-النجاح-اللي يشتري بيت جديد او سياره--تقديم الشبكه--التقدم لعروسه--الاحتفال بقدوم رمضان--العيد--المولد
و غيرها مواضيع كتير خالص خالص
و مش شرط عشان انا مصريه ابقي اتكلم بس عن مصر--لا ممكن اتكلم عن مناسبه معينه شفتها في اي بلد زرتها
او عرفتها من صديقه مقربه--الكلام ينطبق علي الكل
و ده هيخلينا نقرب اكتر من بعض و نتعرف اكتر علي الطرق المختلفه للاحتفال بالمناسبات في بلاد كتيرررر و احنا قاعدين في مكانا
يارب الموضوع يعجبكم و يارب نشارك كلنا فيه
????زائر
رد: عــــــــــادات و تقـــــــــــــــاليد بلــــــــــــــدك
الجمعة يناير 15, 2010 6:28 pm
مرسيي فرجى على الموضوع الحلو ده
انا هقول عن عاده فى السعوديه هى ان كل اربعاء وخميس الاهل والاقارب يتقابلو عندبعض وعلى الكبير والصغير الذهاب ويعد عشاء او غداء للعائله كلها وده بيعجبنى علشان صله الرحم
انا هقول عن عاده فى السعوديه هى ان كل اربعاء وخميس الاهل والاقارب يتقابلو عندبعض وعلى الكبير والصغير الذهاب ويعد عشاء او غداء للعائله كلها وده بيعجبنى علشان صله الرحم
- verjenia4everصاحب مكان
- عدد المساهمات : 8401
تاريخ التسجيل : 28/08/2009
رد: عــــــــــادات و تقـــــــــــــــاليد بلــــــــــــــدك
السبت يناير 16, 2010 1:09 pm
بسم الله الرحمن الرحيم
السلام عليكم جميعاً
احنا عندنا في مصر عادة شعبيه اسمها ""النقطه"" تنطق بالالف "نأطه"
دي عباره عن مبلغ معين من الفلوس الناس بتقدمها لبعض في مناسبات معينه
زي الفرح- سبوع المولود-النجاح--و غيرها من المناسبات
و ليها علي فكره قوانين معينه
يعني انا لو واحده اديتني مبلغ معين نقطه في مناسبه تخصني انا لازم ارد لها النقطه دي في مناسبه تخصها بس بشرط
مش مبلغ اقل من اللي هي قدمته لازم اكتر منه او علي الاقل مثله
و الي اللقاء في عادات تانيه من بلدي
السلام عليكم جميعاً
احنا عندنا في مصر عادة شعبيه اسمها ""النقطه"" تنطق بالالف "نأطه"
دي عباره عن مبلغ معين من الفلوس الناس بتقدمها لبعض في مناسبات معينه
زي الفرح- سبوع المولود-النجاح--و غيرها من المناسبات
و ليها علي فكره قوانين معينه
يعني انا لو واحده اديتني مبلغ معين نقطه في مناسبه تخصني انا لازم ارد لها النقطه دي في مناسبه تخصها بس بشرط
مش مبلغ اقل من اللي هي قدمته لازم اكتر منه او علي الاقل مثله
و الي اللقاء في عادات تانيه من بلدي
- verjenia4everصاحب مكان
- عدد المساهمات : 8401
تاريخ التسجيل : 28/08/2009
رد: عــــــــــادات و تقـــــــــــــــاليد بلــــــــــــــدك
السبت يناير 16, 2010 1:13 pm
العفو هدي يارب يخليكي و يبارك في صلة الرحم بين كل المسلمين
- verjenia4everصاحب مكان
- عدد المساهمات : 8401
تاريخ التسجيل : 28/08/2009
رد: عــــــــــادات و تقـــــــــــــــاليد بلــــــــــــــدك
الثلاثاء يناير 19, 2010 5:28 pm
بسم الله الرحمن الرحيم
انهارده هكلمكم عن عاده شعبيه جدا مشهوره في مصر و هي
السبــــــــــــــــــــــــــــــــوع
السبوع ده هو سابع يوم للمولود
له تقاليد و عادات كتيره جدا بس انا هقول اليي اعرفه عنه
في اليوم السادس للمولود قرايب ام المولود بيجيبو شمع تقريبا سبعه
و يحطو الشمع ده في صينيه و يحطو في الصينيه ماء و بعض الحبوب البقوليه اعتقد سبع انواع
و بعدين يولعو الشمع و يعملو لكل شمعه اسم اذا كان المولود ولد يبقي يعملو اسماء ولاد
و لو كان المولود بنت يعملو سبع اسماء بنات
و الشمعه اللي تنطفي في الاخر يسمو المولود باسمها((طبعا هم بيكونو مختارين اسم المولود من الاول و ده مجرد تقليد))
و بعدين برده في اليوم السادس للمولود
يشترو كتير حاجات زي المكسرات و التشوكليت و توفي و شموع و اكياس
و يعملو كروت عليها اسم البيبي
و بعض العبارات مثل ((انا جيت نورت البيت))(( شيلوني بحنيه دي ماما تعبت فيه))
و يحطو في كل كيس شمعه و كميه معينه من المكسرات و التوفي و التشوكليت
و يحطو في كل كيس كارت
و في يوم السبوع نفسه
يوزعو علي الاطفال و الكبار كل واحد كيس و اسمه علي فكره كيس سبوع
و يرشو الملح في البيت
و يحطو البيبي في صينيه او منخل
و كمان يعملو بخور
و كمان يدقو الهون و يقولو كلام مشهور جدا في السبوع
زي (( اسمع كلام امك))(( اسمع كلام ابوك)) ما تسمعش كلام مثلا خالك ((تهريج طبعا))
و كمان بيغنو اغاني مخصوصه للسبوع
زي الصلاه عليه و الصلاه عليه جيبنا المولود و فرحنا بيه
او
يارب ياربنا يكبر و يبقي قدنا يلعب و يجري زينا و يبقا اشطر مننا
بس بيكون يوم احنفال جميل و ده بيكون في المناطق الشعبيه اكتر
و كل الاهل و الجيران بيتجمعو عشان يحتفلو بالمولود الجديد
الي لقاء تاني ان شاء الله في عادات و تقاليد من بلدي
انهارده هكلمكم عن عاده شعبيه جدا مشهوره في مصر و هي
السبــــــــــــــــــــــــــــــــوع
السبوع ده هو سابع يوم للمولود
له تقاليد و عادات كتيره جدا بس انا هقول اليي اعرفه عنه
في اليوم السادس للمولود قرايب ام المولود بيجيبو شمع تقريبا سبعه
و يحطو الشمع ده في صينيه و يحطو في الصينيه ماء و بعض الحبوب البقوليه اعتقد سبع انواع
و بعدين يولعو الشمع و يعملو لكل شمعه اسم اذا كان المولود ولد يبقي يعملو اسماء ولاد
و لو كان المولود بنت يعملو سبع اسماء بنات
و الشمعه اللي تنطفي في الاخر يسمو المولود باسمها((طبعا هم بيكونو مختارين اسم المولود من الاول و ده مجرد تقليد))
و بعدين برده في اليوم السادس للمولود
يشترو كتير حاجات زي المكسرات و التشوكليت و توفي و شموع و اكياس
و يعملو كروت عليها اسم البيبي
و بعض العبارات مثل ((انا جيت نورت البيت))(( شيلوني بحنيه دي ماما تعبت فيه))
و يحطو في كل كيس شمعه و كميه معينه من المكسرات و التوفي و التشوكليت
و يحطو في كل كيس كارت
و في يوم السبوع نفسه
يوزعو علي الاطفال و الكبار كل واحد كيس و اسمه علي فكره كيس سبوع
و يرشو الملح في البيت
و يحطو البيبي في صينيه او منخل
و كمان يعملو بخور
و كمان يدقو الهون و يقولو كلام مشهور جدا في السبوع
زي (( اسمع كلام امك))(( اسمع كلام ابوك)) ما تسمعش كلام مثلا خالك ((تهريج طبعا))
و كمان بيغنو اغاني مخصوصه للسبوع
زي الصلاه عليه و الصلاه عليه جيبنا المولود و فرحنا بيه
او
يارب ياربنا يكبر و يبقي قدنا يلعب و يجري زينا و يبقا اشطر مننا
بس بيكون يوم احنفال جميل و ده بيكون في المناطق الشعبيه اكتر
و كل الاهل و الجيران بيتجمعو عشان يحتفلو بالمولود الجديد
الي لقاء تاني ان شاء الله في عادات و تقاليد من بلدي
صلاحيات هذا المنتدى:
لاتستطيع الرد على المواضيع في هذا المنتدى