بحبــــــــــــك اوي

الثلاثاء نوفمبر 17, 2009 4:24 pm

طول ما بتغنى الطيور
على أنغام الزهور
وطول مافى القمر نور
هفضل احبك واشتاق اليك
طول مافى البحر ميه
طول ما ايدك بين ايديا
وحتى لو قسيت عليا
هفضل عايش عمرى ليك
اودام عينيا ومشتاقلك
بين ايديا ومحتجلك
قرب ضمنى لقلبك
ودينى لدنيا كلها احلام
دنيا فيها الحب وحده
بليله وسهره وناره وسهده
مفيش اى شىء بعده
غير الجراح والالام
نهرب من الايام وجراحها
ونروح للاحلام وفرحها
ننسى الدنيا وكل جروحها
وكأن الدنيا لينا وحدينا
نرسم مع الزمن احلامنا
ننسى جراحنا وكل الامنا
ونعيش مع بعض اجمل ايامنا
مليها الحب والشوق فى عينينا
زى القمر حاضن النجوم
زى الشمس بعد الغيوم
حبنا يوم ورا يوم
هتزيد غلاوته فى قلبنا
هنزرع ورده جوانا
منين منروح يبقى معانا
والاشواق دايما ويانا
والفرحة دايما جنبنا
ونكتب قصة تانية
لكل عشاق الدنيا
عشناها ثانيه بثانيه
انا وانت والهوى
نحكيلهم على كل ليلة
كل فرحة وكل ويله
ونقول للقلوب العليلة
ان الحب هو الدوا
طول ما بتغنى الطيور
عل انغام الزهور
وطول مافى القمر نور
هفضل احبك واشتاق اليك