قصيدة للمستعجلات على الزواج

السلام عليكم ورحمة الله وبركاتة
بينما اتصفح احد المنتديات وجدت هذه القصيده
وهي موجهه للفتيات .انشاء الله تعجبكم

لا تحسبين العرس توفـي وكيت كـات ....
ولا تحسبينـه تويـكـس والا بونـتـي
ولا تحسبين العرس كيكة وتورتات ....
وصلـة قطعتيهـا ووصـلـة بلعـتـي
ولاتحسبين العرس تصفيق واصوات ....
وانت علـى صـوت الزغاريط همتـي
ولاتحسبين العرس كوشـة ولمبـات... .
وانـت كمـا الطـاووس فيهـا جلستـي
ولاتحسبين العرس احلام في الشات ....
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ....
هيـا اقضبـي بيتـك عسـى مانهبلتـي
ليلة سعيدة وانت احلـى الجميـلات ....
تشخـص عيـون النـاس اذا حضرتـي
( والاى لاينر)حطيـه بــلا زيــادات ....
لا يـخـرب المكـيـاج اذا دمـعـتـي
(والمسكرة) تحتاج لطـف ومـدارات ....
حتـى يـبـان الـزيـن اذا رمشـتـي
(والاسبريه )رشيه حتى البصيـلات ....
يمسك شعـرك زيـن لـو كـان زدتـي
وترى(المحد د)فن يحتـاج رسمـات ....
يبـان رسمـه زيــن اذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن انـتـي
ويبقى شريك العمر راعي الطويلات ....
هـذا هـو العـرس حقيقـه عرفـتـي؟
اول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق بالـذات ....
ادعـــي الـكـريـم إذا سـجـدتـي
والتعري لاترضين عند الكوفيـرات ....
ولبسـك يملـى العـيـن اذا لبسـتـي
واللي على زوجك تحرضك مـرات ....
ارجـوك شوطيهـا شـوطة بلنـتـي
والصبر في العشرة حتى على فتات ....
ياماحـلا فعلـتـك يـومـك صبـرتـي
واذا حفظت السـر مـع المـدارات ....
زوجـك تـرى فـي عيونـه كبـرتـي
والسوق يعني هاه وقت الضرورات ....
والاتـرى زوجــك يــدور لمفـتـي
زيدي الغطاية وكثري في العبايـات ....
والله يـرضـى عـنـك اذا ستـرتـي
اوصيك بالكبسـة وكثـر الإيدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي .

الايدامات يعنى الطبيخ
ومتنتى يعنى سمنتى
للى مايعرفون اللهجة السعودية

اريد رايكم اعزائى فى الله