عاوز اتوب الجزء 2

الجمعة أكتوبر 02, 2009 9:40 am

جزيتم الجنه على المرور الكريم

والله ردودكم افرحتني وشجعتني رغم الردود مش كتير

بس والله يكفيني مروركم الغالي

ها وقفنا عند لازم تشحن رصيدك

كلنا محتاجينها
علشان نشحن رصيدنا
من الحسنات
علشان يبقى بعد التوبه
حسنات
ونضمن الجنه
طب وهنشحن رصيدنا بأيه؟
بحاجات كتيير
زى
الذكر والصلاه والصيام
وحاجات كتييير جدا
جدا
احنا عارفين معظمها
بس مش واخدين بالنا منها
وسهله بس احنا مصعبينها
على نفسنا اوى
وبسيطه جدا
بس الشيطان بقا
عاوزين نتكلم عنها
ومش هقولك نبسطها
لانها بسيطه جدا
طب بس انا كنت بعملها
وبعد فتره ارجع زى ما كنت
بص احنا

علشان نتغير بجد
لازم نغيرالعادات قبل العبادات
والمشاعر قبل الشعائر
يعنى ايه ؟

يعنى لازم نتغير من جوه الاول
وبعدين بره
اهم حاجه تكون الاول مقتنع بيها
داخليا
وبعدين نطبقها
وده اللى هنعمله بأذن الرحمن
طب وهناخد ايه النهارده
وحد الله الاول
......
لا اله الا الله محمد رسول الله
.........
بس كده خلاص

خلاص ايه !!
هو انتي قولتي حاجه

اه طبعا انا اقصد ( الذكر )
يلا نبدأ
شحن الرصيد
بحاجه بسيطه
فى العمل
بس رصيدك هيزيد جامد
وابسط حاجه ممكن نعملها
وناخد عليها اجر
..........
طب وايه تانى من اللى ممكن نشحن بيه رصيدنا من الاذكار ؟

استغفر الله العظيم واتوب اليه
او سبحان الله وبحمده
3 مرات
ربنا يغفر لك ذنوبك كلها
مهما كانت
كل ذنوبى
..........
كلها
شفت بقى

وايه تانى
......
+سبحان الله
تقولها
100 مرة بس
وتشحن رصيدك ب1000حسنه
وربنا يرفع عنك 1000ذنب
بس مش كتير شويه 100 مره
يعنى 100 مرة
كتييره على الجنه
كتيييره على نعم ربك عليك
كتيير على اللى كنت بتعمله
وبعدين وانت نازل فى مشوار
واحد ممكن تقولها كلها
وانت على السلم قول عشره
وانت طالع البيت قول كمان عشره
وانت فى السكه قول كمان30
ووانت واقف بتجيب حاجه
قول كمان 30
ووانت راجع فى السكه
قول 20
كده يبقى 100 وحده
خسران حاجه
الدال على الخير كفاعله
يعنى ممكن تقول لاختك
او الحاجه
انها وهى بتطبخ تقول
هتلاقى نفسها عدت ال150 واحده
من غير ما تحس
وبكده يبقى انت كأنك قلت بالظبط

وايه تانى
..........
لا حول ولا قوه الا بالله
دى كنز من كنوز الجنه

ودلوقتى يلا نعمر بقى
ونبنى
انتي بتقولي هنبنى
ونعمر
..........
صح
هنبنى ونعمر بالكلام
بس
يعنى مش هنعمر بأيدينا
ولكن بالسنتنا
باللسان يعنى

يلا
قول
سبحان الله
و
الحمد لله
و
لا اله الا الله
و
الله اكبر
..........
سبحان الله
و
الحمد لله
و
لااله الا الله
و
الله اكبر
...........
انت كده
بتغرس وتجمل
مكانك فى الجنه
........
=؟؟؟؟
يعنى الجنه وحشه

لا
بس تفرق
لما تكون قاعد
وحوليك
100
نخله
عن 10 بس
وكله بعملك
وده كلام
حبيبك
والحمد لله
بتملى الميزان يوم القيامه
أستغفر الله العظيم الذي لا إله إلا هو الحي القيوم و أتوب إليه
ربنا
يغفر له و إن كان فر من الحرب
و
بسم الله الذي لا يضر مع اسمه شيء في الأرض ولا في السماء وهو السميع العليم
ربنا يحميك
من اى ضرر ممكن يصيبك
وبرده
حسبي الله لا إله إلا هو عليه توكلت وهو رب العرش العظيم
سبع مرات في الصباح وسبع في المساء
الكافية من هم الدنيا والآخرة
ودى حلوه اوى
تحم نفسك من البارد
اللى كل شويه يرزل عليك
الشيطان ربنا يلعنه
بسم الله ، توكلت على الله ، ولا حول ولا قوة إلا بالله
مرة بعد كل خروج من البيت
قوة ثلاثية تحصينية من الشيطان وتجعل الشيطان يتنحى عنه

واذكار الصباح والمساء
واذكار النوم
واذكار ختام الصلاه
وحاجات كتييير جدا
مش هنقدر نعدها
بس يلا بينا نقولها
واحنا فى المشروع
واحنا فى التاكسى
واحنا فى القطار
واحنا ماشيين
واحنا واقفين بنجيب حاجه من عند البقال
وانت قاعد على الكمبيوتر
انت ساكت ليه
اوعى تقفل بُئك
اذكر
واشحن
+وانت قاعد بدل
الاغانى
شغل اذكار
..........
ودى علشان تنزلها على الموبيل
أذكار الصباح 12MB

اضغط هنا بيمين الفأرة واختر حفظ الهدف باسم أو Save target as

أذكار المساء 13MB

اضغط هنا بيمين الفأرة واختر حفظ الهدف باسم أو Save target as

وانت فى اى حته
اوعى تسكت
واوعى ماتقولش لحد
علشان انت ممكن تكون نايم
وبتاخد حسنات
قول لكل الناس
واوعى تنسى ان احب الاشياء الى الله
اللسان الذاكر

الجمعة أكتوبر 02, 2009 12:39 pm

جزاك الله كل خير
ماشاء الله
موضوعك ممتاز محمد
تسلم ايدك

عاوز اتوب الجزء 2

عاوز اتوب الجزء 2

رد: عاوز اتوب الجزء 2