حبيتك من بعيد لبعيد

الثلاثاء أكتوبر 20, 2009 9:41 am

حبيتك من بعيد لبعيد وانتي ولا حاسه بيا
افتكرتك احلى حب جديد هينسيني الدنيا ديا
و وعدتيني انك عمرك ما هتسيبيني
طب ليه قلتيها لما انت مش بتحبيني؟
و سيبتي قلبي يعيش في الاحلام
و أتاري اللي سمعته كان مجرد كلام
........................................
حبيتيه هو وجرحتي قلبي أنا
يا بخته بيكي هيعيش معاكي في هنا
عرفتيني بيه و قولتيلي ده نور عينيا
قولتيلي ادعيلي أعيش معاه سنين عمري اللي جايه
ابتسمت و في عنيا الدموع
ما خلاص انطفت كل الشموع
.........................................
و ف يوم قابلتك و قولتيلي ما تبعدش
أنا محتاجالك جمبي عشان أقدر أعيش
سألتك امشي ولا لأ ؟؟
عايزاني استنى ؟؟ طب بأي حق ؟؟
زمان كنت ليكي و بايديكي ضيعتيني
بس اطمني قلبي مسامحك و مش هقول خدعتيني
..........................................
راجعالي تاني ليه؟؟
ما تسيبي قلبي في حاله
عايزه منه ايه ؟؟
مش كفاية اللي جراله؟؟
هبعد بس هكون قريب منك
و هستنى اسمع أي كلمة عنك
و لو احتاجتيني هتلاقيني معاكي
بس لو رجعتيلي هبعد و انساكي
آسف..لكن هو ده قراري
مش هرضى لقلبي ينجرح تاني باختياري