مره مدير منتدى راح يخطب عضوه !!

الجمعة سبتمبر 04, 2009 8:05 am

مره مدير منتدى راح يخطب عضوه !! Wwwuaekeyscom27mo0

كان المدير مرتبط بموعد مع العروس وأهلها

ليتقدم إليها بس مش عايز يقفل المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقه للمنزل راكب التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء......قالهم لازم اتابع شغلي على النت

والد العروس: أهلا يابنى ... ....كيف حالك !!

المدير(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لاء؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغرب): حضرتك بتكلمنى ولا بتتكلم مع حد على النت؟

المدير(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!

والدة العروس: طب يا استاذ طالما بتتكلم معانا بوصلنا

المشرف(لم يرفع عينه ويديه من على جهازه):ليه يا حج؟ هو انا هاتكلم من عينى واللا من فمى ؟؟!!!!

إقترب الولد الصغير(8سنوات) من العريس مبهور باللابتوب وهو يقول:

عمو .....هو الجهاز ده فيه العاب كتيرة زي البلاي ستيشن اللي عندي؟!!

العريس(مازال منشغلا بجهازه): أيوة يا حبيبى وأحلى من الى عندك كمان

الصبى: طيب ممكن ألعب شوية .. ...علشان خطرى يا عمو

(هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى)

العريس: لو خليت أبوك يوافق عليا .. هاخليك تلعب كتيييييييييير

طار الصبى فرحا وهو يقول

بابا بابا أنا موافق إن عمو يتجوز أختى مها!!!!!!

ثم إلتفت إلى العريس وهو يقول

ألف مبروك يا عمو!

الوالد(صارخا): إمشى ياد من هنا (إغرب عن وجهى )! .... مافيش عيرك إنت يا أبو ريالة اللي هاتقرر!

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بغيظ): إنت جاى تهزر وتلعب يعنى؟

(لم يعطيه العريس أى إهتمام وقد ظهر مشغولاً بموضوعٍ ما على جهازه)

فإقتربت الأم من الوالد وتكلمت هامستاً

إيه رايك يا حج..الظاهر انه عريس مجنون ومش طبيعى !

(دخلت العروسة فى هذه اللحظة مكثوفه وهى تنظر إلى الأرض
وماسكه فى إيديها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة نهار أبوها إسود ده المدير )

العريس(صارخاً): إيه اللي إنتى عملتيه ده! انتي عامية! .....إنتى إزاى تفصلى الجهاز!!

الوالد: إيه يابنى قلة الزوق دى... إنت لعروستك وإنت جاى تتقدملها؟!!

دا بدل ما تساعدها إنها تقوم وتطيب خاطرها لأنها انحرجت انها إتكعبلت قدامك!

العريس: يعنى أساعدها تقوم ولا ألحق أشغل الجهاز عشان المنتدى ما يتعطلش؟!!

الأب: انت إيه الى عايزه مننا؟ إحنا معندناش بنات للجواز!

انتي عرفتيه منين يا بنت؟

العروسة: من النت يا بابا.....من النت

الأم: الله يقطع النت واللى بيدخلو النت ! (من غير ضرب )

يا رب تيجى عاصفة تسونامي على النت والى فيه!!!!!

الأب:ممكن يابنى تقفل النيلة اللي معاك وتتكلم معاناشوية

العريس: خلاويص يا عمى النائب(الى هوه المساعد بتاع المدير يعنى ) بتاعى جيه أهو

إلتفت الجميع حولهم يبحثون عن ذلك النائب فضحك الموديراتور

العريس (ضاحكا): لأ يا جماعة أنا اقصد إن النائب بتاعى أخذ مكانى
فى المنتدى..

يعنى أنا الآن جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما انت مش فاضى ليه حددت الميعاد ده ؟

كان لازم تحدد معاد تكون فاضي فيه!

العريس: يا عمى خير البر عاجله

الأب: طيب..... إحنا لسة متعرفناش بإسمك ولا وظيفتك
ولا عمرك ولا شهادتك ولا أى حاجه عنك!

العريس: أنا اسمى (Sound) ده الإسم المستعار بتاعى !

الام : اسمك إيه ؟ انت منين حضرتك؟ عمري ما سمعت بالاسم ده!

ضحكت العروسة وهى تقول: لا يا ماما دا النيك نيم بتاعه..وااااو شوفتو قد إيه إسم حلو .......بموت في اسمك انا يا استاذ

الأم: اسمك إيه يا ابني؟!

العريس: خلص يا جماعة .....أنا إسمى علي وعمري 20 سنة

ووظيفتي مدير عام على منتدى الفقر مش عيب.....

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم ‍‍‍‍!!!

العروسة(مبتسمة): بجد إنت أكيد أكيد المدير بتاع منتدى الفقر مش عيب!!
أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر راحة ....من الآخر!

العروس: أنا عملت كدة عشان عارفة انك جاى تخطبنى

مش انت بعتلي رسالة خاصة؟ من وقتها وانا طايره من الفرح ..عايزاك تشوفني احلى عضوة في المنتدى!

الأب: إنت يابنى عايزها تلبس إيه ؟ .....ملابس قديمه مقطعة؟!

العريس: لا يا عمى خلاص مش مهم لما أتجوزها هابقى أقطعلها ملابسها‍‍‍‍‍‍!

الأب: ومين قالك إنى وافقت عليك أصلا

العروسة: وليه ما توافق يا بابا !!
هاد الموديراتور وأكيد رح يخلينى مميزة فى المنتدى

العريس: انا رح اعينك معانا من المشرفين على قسم لوحدك...يعني مدير إداري!

العروسة(بسعادة): بجد! ياااااااااااااي ..طبعا دى اول ترقية
وهايكون فى بعديها كتير

اكيد هاتليينى نائبتك! و يمكن تخلينى مشرف عام!

العريس: طبعا طبعاً بس بلاش الطمع الكتير! إيه رأيك اعيينك مكاني! وانا أبقى تحت امرك!!

العروسة: يعنى إيه .. انا ماستهلش يعنى ؟!!

العريس: بصى الاحسن بلاش نسبق الاحداث

حالاً هاعينك على قسم الشكاوي؟ كويس كده ؟

العروسة (صارخة): لا أرجوك .....كله إلا الشكاوى

هز العريس كتفيه وهو يقول
خلص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق عليك طبعا

العروسة: باكية..ليه يا بابا! وافق يا بابا ..كل بنات المنتدى هايحسدوني عليه!

ليه تحرمنى منه يا بابا! هو انا إمتى هالاقي مدير منتدى غيره !

قاطعها الأب صارخا : اخرسى يا بنت ..غورى من وشى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تفضى للجواز وتلاقي وظيفة محترمة ..تبقى تيجى تخطب بنتي! انت فاهم!

العريس: آخر كلام يا عمي!

الأب: طبعاً

العريس: طيب اعتبر بنتك محظورة من المنتدى!!

مره مدير منتدى راح يخطب عضوه !! Wwwuaekeyscom27mo0