أعترفلك أني تايه عاشق لحد الجنون ,,

الخميس نوفمبر 05, 2009 11:28 am

ماكرهتك ربي يعلم ولا عمرك تهون ..
عاذرك لاخترت تبعد روح ولاتهمك سنيني

عش مع غيري وشف اشلون هالدنيا تكون ..
كيف باكر في حياتك كيف ترجع ترتجيني

في صلاتي ادعي ربي ياعسى تتوفقون ..
مادام هذا اختيارك رح أنا وش في بيديني

ياحبيبي كان خايف تترك بقلبي طعون ..
رح عسى ربي يبيحك يابعد قلبي وعيني

قلبي الصادق يحبك ماقدر يقسى حنون ..
شوف انا ضاعت حياتي احتري باكر تجيني

احتريتك ياحبيبي في عيون اللي يجون ..
احتريتك كان ودي في حنانك تحتويني

أعترفلك أني تايه عاشق لحد الجنون ..
اني واقف في شموخي بس ميت من حنيني

غصب عني يوم شفتك بان حبي بالعيون ..
ماعرفت اشلون اخبي وانفضح كل شي فيني

وش بيدي ياحبيبي يوم خانتني الظنون ..
وش بيدي وانت حاير ماتبيني او تبيني

قالوا مشغول بحياتك قالوا مالايعلمون ..
ياعواذل ماعليكم ليش انتم حاسديني

وكان ربي ماجمعنا ماكتب ربي يكون ..
ماكرهتك ربي يعلم والقدر بينك وبيني