يـــاريتنــــي مـــا عملــت كــــــــده ..!!

السبت نوفمبر 14, 2009 7:40 am

السلام عليكم ورحمة الله و بركاته

إزيكم يا شباب و يا بنات المنتدى عاملين ايه ؟ يارب تكونوا بخير

بصراحة يا جماعة فى موضوع بقاله فترة شاغلني اووى و مش عارف الاقيله حل خالص ..

انا هاتكلم عن

معاملة الوالدين للآبنائهم

طبعاً كلنا عارفين يعنى ايه أب و يعنى ايه أم و يعنى ايه أولاد و يعنى ايه مسئولية و تحمل الظروف و الضغوطات .
كلنا ساعات بنلاحظ ان ف اغلب العائلات ان دايماً بنلاقى الأب صعب جداً فى التعامل مع أولادة و ساعات بتبقى الأم مش الأب .

هل يا جماعه المعاملة الجافة اللي دايماً بتبقى معتمدة علي العنف و الارهاب و التهديد و الرعب سواء كان من الأب أو من الأم ، المعاملة دي بتبقى ايه نتائجها ؟
هل سلبية ؟ ام إيجابية ؟
بجد نفسى الاقى جواب للسؤال دا ، لآن فى ناس كتير اووى بتقول إيجابيه و ناس تانيه برضه بتقول سلبية .
هل التربية اللى بتبقى معتمدة ع العنف و الارهاب و الخوف بتبقى زي التربية اللى بتبقى مبنية ع التفاهم و الاحترام و الصدق و الأدب ؟

طبعاً كلنا عارفين ان العنف بؤدي إلي :-

1- الكدب .
2- فقدان الانسان ثقته بنفسه .
3- الكراهيه وعدم إحترام الآخريين .
4- الضعف وفقدان الجرأة .
5- الإجرام او فعل اشياء خاطئه و البعد كل البعد عن الدين و عن ربنا .
طبعاً دي بعض الحاجات اللي العنف بيؤدي إليها .

-------------------

تعالوا بقى للمعامله الحسنة السليمة الطيبة :-

1- الصدق و الأمانة .
2- الثقة فى النفس .
3- الأحترام و عدم التطاول ع الغير باى شكل من الاشكال .
4- التقرب الدائم من ربنا ، والاهتمام بتعاليم الدين .
5- الجرأة و عدم الخوف .
دي بعص الحاجات اللي بتؤدي إليها المعاملة الحسنة السليمة .

--------------------

فيها ايه يا ناس لما كل أب او كل أم يعاملوا اولادهم بالحُسنى و يخافوا عليهم و يربوهم تربية سليمة خالية تماماً من العنف و الارهاب و الخوف و الرعب .. إلخ
فيها ايه لما تصاحب ابنك من صغره فيها ايه لما تعمله حساب فأى مكان حتي لو كان أبنك صغير ، علٌي من شأن اولادك دائماً ولا تقلل من شأنهم مهما حصل .
انا عاوز كل أب و كل أم كانوا بيعاملوا اولادهم معاملة مش كويسه او معامله مش سليمة ، يحاولوا يجربوا معاهم المعامله الحسنة الطيبة وشوفوا بنفسكم و لاحظوا الفرق شوفوا اولادكم بقوا عاملين ازاي ؟ هل اتغيروا ولا لسه زى ماهما ؟

و الله يا جماعة العنف و المعاملة السيئة حاجه مش حلوة خالص و عمرها ماكانت عامل اساسي فى التربية ، و الله كل دا بينقلب عليكم انتوا و انتوا كده بتضروا اولادكم مش بتربوهم لما انت تبقى عامل لآبنك رعب و مخوفه منك ، هل لما تيجي تسأله فأي حاجه و ابنك عارف ان الاجابه هاتضايقك و ممكن تضربه ، هل الولد هايجاوبك بصدق و بصراحه ولا هايكدب عليك علشان مش تضربه ؟ طبعاً لازم يكدب و اللي بيكبر و اتعود علي حاجه عمره ما بيعرف يغيرها و لما يكبر عمره ما هايدعيلك دا بالعكس دا هايدعي عليك هايقول منك لله يابا انت اللي عملت فيها كده انت اللى وصلتني لكل دا كل اللي انا فيه دا بسبب معاملتك ليا .

و الله يا جماعه انا لو قعدت من هنا لبكره اكتب مش هاقدر اوصفلكم حال الاولاد اللي بيبقوا من النوعية اللي بتتربي ع العنف و الارهاب والخوف .
بجد حاجه وحشه اووى .

متأسف جداً ع الإطالة .. و مستنى تعليقاتكم ع الموضوع ..

الأحد نوفمبر 15, 2009 4:38 pm

بسم الله الرحمن الرحيم
السلام عليكم برنس
يارب تكون بخير
انا موضوعك عجبني جدا
لانه يطرح مشكله موجوده في بيوت كثيره جدا
بس انا كنت عايزه اقول احنا فاهمين الاباء و الامهات احيانا غلط و هم كمان فاهمنا غلط

او بمعني اصح----هم مفكرين ان الارهاب في التربيه هو السبيل الوحيد و الصحيح للتربيه
و ان هذه الطريقه هي التي ستجعل من الابن او الابنه رجل صالح او ابنه صالحه
و ان هذه الطريقه هي التي ستبعد بين الابناء و طريق الخطأ
و ده طبعا مش مظبوط
و لكن هناك كما ذكرت انت اباء يتعاملون بما يرضي الله

و الله يهدي الجميع الي ما فيه الخير لكل المسلمين

موضوعك راااااااااااااائع

تسلم ايدك

الأحد نوفمبر 15, 2009 7:32 pm

تسلم يا برنس موضوع جامد بس علي فكره التربيه بتختلف من كل اب او ام والتانيه وكل اب في حاجه في دماغه عاوز يحققها وميرسي ليك كتير

الإثنين نوفمبر 23, 2009 12:45 pm

موضوع جميل اوى والله
تسلم ايدك برنس

الثلاثاء ديسمبر 29, 2009 12:56 pm

بارك الله فيك موضوع مفيد

الجمعة يناير 01, 2010 9:33 am

مشكوووووووووووووووووووووووووووووووووووووووووووور

الأحد يناير 10, 2010 4:26 am

تسلم يابرنس الموضع جامد

ويار ب تخليلى ماما اكتر ام شفتها متفهمه معا اولادها

السبت يناير 16, 2010 11:23 am

تسلم برنس

الثلاثاء يناير 26, 2010 5:56 pm

تسلم برنس الموضوع so hot
لان كل ام واب بيختلفو عن غيرهم
بس المشاكل بتاثر طبعا اكتر حاجة على الابناء لانهم لما يبتدوا يفهموا بيبقوا طبعا فى مرحلة المراهقة ودى مرحلة خطر جدا يتعرض فيها المراهق للمشاكل ويبنى عليها تصرفاته المستقبلية
بس بجد تسلم تسلم ايدك على الموضوع ده

الأربعاء مارس 10, 2010 6:54 pm

صح لسانك والله يعطيك العافية

يـــاريتنــــي مـــا عملــت كــــــــده ..!!

يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!

رد: يـــاريتنــــي مـــا عملــت كــــــــده ..!!