اسمك حلو لكن غير الحقيقه

اسمك حلـو لكـن غيـر الحقيقـه
حرام تحت اسمك تخفـي الحقايـق

اشوف قبل اسمـك مدينـه عريقـه
اشوف قبل اسمك حواجـز وعايـق

حرام تكسين اسمـك الحلـو ضيقـه
استسمحك من وقتـك اخـذ دقايـق

انتـي المـلاك الفاتنـه والطليـقـه
انتي المـلاك ونـور كـل الخلايـق

انتي النغم وانتي الوتـر والمسيقـه
وانتي النجوم اللي تشـب الحرايـق

بان القمر وسمـك عـدوا مايطيقـه
مثل عليه الـدور فـي ثـوب بايـق

نور القمـر مـن يـوم دور شقيقـه
طابق دمك دمـه وصرتـم شقايـق

انتي اخـوه اختـه قريبـه صديقـه
نـوره ومفتـاح القلـوب الغلايـق

وانتي الضماء وانتي العماء والطريقه
انتي الصكوك الصادقـه والوثايـق

وانتي القصـور العامـره والوثيقـه
وانتي الملاك الطاهره واسـم لايـق

حـرام يانـور الثريـاء الشفيـقـه
تبات ليلـه واحـده وانـت ضايـق

حرام في حزنـك نشوفـك غريقـه
حرام لا فقنـى تجـي منـت فايـق

اسمك بحر جبـار وانتـي مضيقـه
اسمك بساتيـن الزهـر والحدايـق

انتي قوالـب ثلـج وسمـك حريقـه
كيف اجمع الضدين راكـب وسايـق

ببـدل احزانـك فــرح يارقيـقـه
وكتب ملاك الروح حسـب الوثايـق

انتي ملاك الـروح هـذي الحقيقـه
عنـدي انـا وعنـد كـل الخلايـق

تكفيـن يانـور النجـوم المويـقـه
لاتطمس احزانـك جمـال الحقايـق

كلمات الشاعر/
سعودالمالكي